Translation from English to Mongolian
АНУ-ЫН ХОЁРДУГААР ТОЙРГИЙН ДАВЖ ЗААЛДАХ ШАТНЫ ШҮҮХ
2020 оны 8 дугаар сарын чуулган
Аман хэлэлцүүлэг 2021 оны 2 дугаар сарын 18
Шийдвэрлэсэн 2021 оны 8 дугаар сарын 26
Хэрэг № 19-4191
BEIJING SHOUGANG MINING INV. CO., LTD., CHINA HEILONGJIANG INT’L ECON. &
TECH. COOP. CORP., QINHUANGDAOSHI QINLONG INT’L INDUS. CO. LTD.
Хүсэлт гаргагчид бөгөөд давж заалдах гомдол гаргагчид
– эсрэг –
МОНГОЛ УЛС
Хариуцагч бөгөөд давж заалдах гомдлын хариуцагч
Бүрэлдэхүүн Ерөнхий шүүгч Ливингстон, тойргийн шүүгчид Чин болон Бианко Beijing Shougang Mining Investment Company, Ltd., China Heilongjiang International Economic & Technical Cooperative Corporation болон Qinhuangdaoshi Qinlong International Industrial Company Ltd. буюу хамтад нь Хүсэлт гаргагч давж заалдах гомдол гаргагчид нь Нью-Йоркийн өмнөд дүүргийн АНУ-ын шүүхийн шүүгч Рамосын 2019 оны 11 дүгээр сарын 25-ны захирамжийг давж заалдаж байна. Уг захирамжаар Монгол Улс болон Бүгд Найрамдах Хятад Ард Улсын хоёр талт хөрөнгө оруулалтын хэлэлцээрийн дагуу байгуулагдсан тусгай арбитрын бүрэлдэхүүний шийдвэрийг хүчингүй болгуулах хүсэлтийг хэрэгсэхгүй болгож, Монгол Улсын арбитрын шийдвэрийг баталгаажуулах эсрэг хүсэлтийг хангасан. Гомдол гаргагчид мөн маргааны үндсэн асуудлыг арбитраар шийдвэрлүүлэхийг даалгуулах хүсэлтийг хэрэгсэхгүй болгосныг эсэргүүцэж байна. Тэдний давж заалдах үндсэн тайлбар нь дүүргийн шүүх хүсэлтүүдийг нь хэрэгсэхгүй болгож, арбитрын шийдвэрийг баталгаажуулахын өмнө хөрөнгө оруулалтын нэхэмжлэлүүдийг арбитраар шийдвэрлэж болох эсэхийг бие даан шинээр буюу de novo журмаар хянахаас татгалзсан нь буруу гэх асуудал юм.
Бид давж заалдах гомдлыг хэрэгсэхгүй болгож, гомдол гаргагчид нэхэмжлэлүүдийг нь арбитраар шийдвэрлэж болох эсэхэд de novo хяналт хийлгэх эрхгүй гэж дүгнэв. Энэ хэргийн хоёр талт хөрөнгө оруулалтын хэлэлцээрт арбитрчид уг асуудлыг шийдвэрлэх эрхтэй гэсэн тодорхой заалт байхгүй. Гэсэн ч гомдол гаргагчид болон Монгол Улс буюу хамтад нь Талууд маргааны явцад энэ асуудлыг арбитрын бүрэлдэхүүнд шилжүүлэхээр “тодорхой бөгөөд эргэлзээгүй” тохиролцсон гэж үзэв. First Options of Chicago, Inc. v. Kaplan, 514 U.S. 938, 944 (1995); өөрчлөлт, доторх ишлэлийг хасав. Нэгдүгээрт, арбитрын эхэнд Талууд харьяаллын асуудлыг харьяалал болон хариуцлагын хамтарсан үе шатанд хэлэлцүүлэхээр тохиролцсон бөгөөд арбитрын бүрэлдэхүүн үүнийг ажиллагааны тухай анхны захирамждаа баталгаажуулжээ.